Dunadónan di yudansa semper ta kuminsá ku e proseso dor di hasi pregunta na abo komo persona ku tin mester di yudansa. Kon abo por duna forma na bo bida segun bo propio deseonan? Kiko bo mes por hasi? Den kua áreanan bo mester di sosten òf yudansa? E preguntanan ei ta para sentral den nos aserkamentu. Huntu ku bo nos bai wak bo deseo, posibilidat i limitashonnan. Di einan nos ta ban traha riba loke pa abo ta importante.
Hopi bia na promé instante bo ke redusí bo kehonan. Nos tin bon tratamentunan pa esei. Pero bo ta mas ku bo afekshon òf malesa. Kisas tin otro kos tambe ku bo ke mehorá den bo bida. Por ehèmpel: kuida bo mes mas mihó, traha riba bo kondishon, anda di otro manera ku plaka i tempu, hasi kos agradabel ku otro hende. Ahustenan chikitu hopi bia por sòru ku bo ta sinti bo mas konfortabel den bo mes kurpa.
Klínika Capriles su meta ta pa klientenan haña e kuido ku ta kuadra ku henter e persona, salí for di e vishon ku no por separá kurpa i mente. Dor di intervení trempan, klínika ke prevení ku bo ta pega den vários área di bida, tantu na kas komo na trabou. Un plan di tratamentu por konsisití di vários komponente:
Un tratamentu poliklíniko ta nifiká konsultanan segun sita na
un di nos Polinan.
Wak bou di Tratamentu poliklíniko pa mas informashon
Bo ta keda temporalmente atmití den klínika i anochi tambe bo ta keda riba tereno di Klínika Capriles.
Wak bou di Tratamentu klíniko pa mas informashon
Kuido ambulante ta nifiká ku e dòkter, sikólogo òf enfermera/bruder ta bini serka bo. E tratamentu òf guia ta sosodé gewon na bo propio kas.
Wak bou di Tratamentu ambulante pa mas informashon