Poliklínika di Klínika Capriles ta brinda yudansa ambulante na adulto i mayornan di edat ku diverso problema sikiátriko i pasado. Bo por keda biba na kas i ta bin poliklínika pa bo tratamentunan. Nos kuido ta na alkanse di tur i fásilmente aksesibel. Bo por akudí na un terapista ora bo tin keho di por ehèmpel:
Tur hende por hañ’é konfrontá ku situashon den bida, pasa dor di kos ku ta saka bo for di balans. Ta importante pa no keda largu den e situashon di desbalanse i buska yudansa.
Klínika Capriles ta ofresé tratamentu, guia i kuido. Tene kuenta ku siguiente rekesitonan pa drenta e trayekto di kuido:
Pa bo promé bishita na poliklínika, bo mester di un ‘verwijsbrief’ di bo dòkter di kas. Si bo ta segurá via SVB, bo dòkter di kas tin ku manda esaki via Zorgportaal.
Si bo mes ta paga pa e konsultanan, no mester di verwijsbrief.
Bo por pasa personalmente na bali di Poliklínika pa registrá.
Pa mas informashon tokante dia i orario, yama +5999 737 4022.
Por fabor tene siguiente dato na man ora ta yama:
Dia di registrashon tin oportunidat pa papia 10 minüt ku un zùster. Na final di e kombersashon lo sigui ku e siguiente paso.
Na final di e parti di registrashon lo duna un sita òf ta yama bo mas pronto posibel pa un promé sita, e asina yamá ‘intake’. Bo por bin ku 1 miembro di famia òf amistat komo sosten.
Durante e intake bo ta papia ku e sikiater òf sikólogo tokante kiko ta pasando ku bo. E ta skucha i ta hasi pregunta.
Durante e intake ta wak tambe si Klínika Capriles ta e lugá adekuá pa bo. Por ta tin un otro lugá ku ta kuadra mihó ku bo situashon. Si ta Klinika Capriles mes ta e lugá adekuá, e sikiater òf sikólogo i abo huntu ta palabrá un plan di tratamentu. Den e plan akí boso ta pone kiko lo ta meta i durashon di e tratamentu. Si ta nesesario por ahustá e plan den kurso di e tratamentu.
Huntu ku bo dunadó di tratamentu bo ta traha un plan di tratamentu. Den e plan ta pone tur palabrashon ku bo ta hasi tokante bo tratamentu. Esaki bo ta hasi huntu ku bo dunadó di tratamentu i ku bo permit ta enbolbí bo famia tambe. Pa por traha un plan, abo i bo dunadó di tratamentu mester yega na un akuerdo tokante kiko ta e kehonan. Tin bia mester di saminashonnan pa yega na un diagnosis (temporal). Ta importante ku boso ta di akuerdo ku otro tokante kiko ta e motibunan di bo kehonan.
Despues ta determiná huntu kiko ta e metanan ku bo ke logra i di ki manera bo dunadó di tratamentu i abo ta bai realisá esaki. Tambe bo ta palabra na ki momentu i kon ta finalisá bo tratamentu. Esaki ta importante, pa asina e espektativanan no ta muchu haltu ni muchu abou. Abo ta kere ku mester di 10 kombersashon, i bo dunadó di tratamentu ta kere ku mester di 20. Parti di e plan di tratamentu por ta por ehèmpel: terapia individual i den grupo, den kombinashon ku terapia di músika. Ta basta difísil pa kambia bo estilo di bida, bo pensamentunan òf bo komportashon. E por kosta bo kisas un ratu i 1 aña ta parse kisas largu, pero ta kos ku bo por tin benifisio di dje pa bida largu.
E plan akí mester ta ofisialmente akordá dor di abo i bo dunadó di tratamentu promé ku bo tratamentu kuminsá.
Ta evaluá e tratamentu ku regularidat. Durante e evaluashonnan bo ta deliberá ku bo dunadó di tratamentu i otronan kon e tratamentu ta kanando. Si mester di ahuste di metanan, ta traha un plan di tratamentu nobo.
Klínika Capriles ta ofresé diferente forma di yudansa na sitionan na Kòrsou, pa abo i esnan rondó di bo. Nos ta duna tratamentu online, ta risibí bo pa sita na un di nos sitionan, ta bini kas serka bo òf ta ofresé un atmishon temporal si ta nesesario.
Si, esei por, pero mihó ta pa posponé un sita si no por otro. Pa bo plan di tratamentu ta importante pa asistí na tur bo seshonnan/sitanan.
Kuido di salú mental ta pa gran parti kubrí den e pakete básiko di SVB.
Si pa un motibu òf otro bo no por kubri e gastunan bo mes, ta buska un manera pa regla esaki, por ehèmpel via di Kas di Bario.
Tambe bo por sera un seguro privá ku ta kubri e gastunan. Tin trahadónan sosial ku por yuda bo regla esaki.