Kuido somátiko ta esensial pa pashèntenan sikiátriko, pasobra salú mental i salú físiko ta estrechamente konektá ku otro. Kondishonnan sikiátriko ta oumentá e riesgo riba malesanan físiko, miéntras ku malesanan somátiko króniko por empeorá síntomanan sikiátriko.
Den nos institushon, kada pashènt atmití, ta haña un saminashon médiko kompletu i kontròl di laboratorio. Esaki a yuda nos deskubrí vários malesa ku tabata skondí na tempu. Pashèntnan ku ta keda pa un periodo largu ta haña un kontròl somátiko kada aña, i pashèntnan ku malesanan króniko manera diabetes mellitus òf hipertenshon ta wak kada tres luna. Si ta nesesario, nos ta referí nos pashèntnan na spesialistan pa un tratamentu mihó i mas dirigí.
Banda di esaki nos ta ofresé prevenshon i tratamentu di salú di boka, i nos dietista ta adaptá e alimentashon segun nesesidat individual di kada persona. Esaki ta yuda nos pa trata tantu obesidat komo desnutrishon, malesanan ku den nos grupo di efoke ta okurí mas frekuente ku den populashon general.