Na momentu ku bo a rekuperá di tal forma ku bo por bai ku retiro for di e klínika, ta hasi tur loke ta nesesario pa organisá esaki. Komo aktividatnan ku tin ku entamá pa por laga bo bai kas, bo por pensa na:
Ki ora bo por haña retiro ta depende kompletamente di bo progreso durante e periodo di atmishon. Esaki ta diferente pa kada persona. Nos ta trata na no laga hende keda mas largu ku nesesario – kuido no ta barata i un kliente ku a rekuperá por bai kas bèk òf por ehèmpel un forma di bibienda ahustá. Na mes momentu nos ke tin sigur sí ku hendenan ta basta firme pará den nan sapatu ora nan bai kas, i por keda den balans riba nan mes. Ku poskuido nos ta purba di prevení ku kos ta bai robes lihé despues di sali for di klínika.
Un rekaida ta fèrfelu pa tur hende. Sinembargo, durante e proseso di rekuperashon ta normal ku bo por enfrentá momentunan bon i tambe ménos bon. Si bo haña rekaida, nos lo bolbe kuminsá mésora bèk ku e tratamentu pa asina sòru ku bo ta bai bèk den un mihó estado mas lihé ku ta posibel. Tin bia un par di kombersashon ta sufisiente, tin bia un atmishon kòrtiku ta nesesario pa lanta bèk. Ta prudente pa komo kliente òf famia/amigu/bisiña hala atenshon si no ta bayendo bon i no laga un dep fuerte, ansha paralisante òf situashon fèrfelu sali for di man. Pa pidi yudansa tin bia por ta difísil, pero sa ku esaki lo ta e mihó desishon.