Tokante nos


Stichting Algemeen Psychiatrisch Ziekenhuis Dr. David Ricardo Capriles, o sea Klínika Capriles, ta un hospital sikiátriko general. Klínika Capriles ta brinda tratamentu, guia i kuido na hende ku problema sikiátriko i sikosisial severo.

Nos ta yuda bo ku tratamentu, guia i kuido. Bo por akudí ku kehonan mental na nos poliklínika i si mester di kuido mas intensivo, un tratamentu i/òf estadia den klínika ta posibel. Nos trahadónan ambulante ta/por pasa serka bo na kas. Papia di e situashon ta yuda.

Nos mishon

 

Nos ta konsiderá tur hende komo igual, apesar ku tin biaha e diferensianan por ta grandi. Tur hende ta buska felisidat, amor, rekonosementu i satisfakshon i tur hende tin mesun derecho riba esei. Tambe hendenan ku pa motibu di problemanan mental, riba nan mes forsa no por logra duna kontenido na un bida felis i ku sentido.

GGz Curaçao ta dirigí su mes riba mantenshon, rekuperashon i promoshon di e salú mental di hende ku problemátika sikososial i/o sikiátriko i di esnan ku ta kore e riesgo pa desaroyá e problemátika aki, i ta sali na defensa di tur prekondishon nesesario pa logra esaki.

Den nos trabou nos ta laga e siguiente ponensia guia nos:

Huntu traha na kresementu i rekuperashon

 

Huntu                                                 
Nos ta traha huntu ku e kliente. Den e tratamentu i guia nos ta buska huntu ku e kliente i esnan serka di dje pa konekshon ku su mes deseo i nesesidatnan. Nos trahadónan ta para banda di e kliente, sin disidí pa nan kiko nan mester hasi.

Nos ta traha multidisiplinario huntu den e tratamentu i guia di e kliente; sikater, sikólogo, casemanager i guia ta komplementá otro i ta koordiná nan maneho ku otro.

Staf, departamentunan di kuido i servisionan di sosten ta traha huntu, den kual semper e interes di e kliente ta para sentral.

Ta traha huntu tambe ku otro partnernan den kuido. I kolaborashon ku partnernan den área di bibienda i trabou tambe ta indispensabel.

Kresementu
Nos ta dirigí nos mes riba e persona kompletu tras di e diagnósis i ta sali for di loke hendenan por. Nos ta yuda klientenan fortifiká nan propio forsa. Esaki ta manifestá su mes den rekobrá un bida mas independiente posibel i tuma parti mas ful posibel na komunidat.

Rekuperashon
E tratamentu i guia ku nos ta duna e klientenan ta na promé instante dirigí riba kura. Den algun kaso sinembargo kura no ta posibel. E or'ei e atenshon ta bai pa sostené rekuperashon. Ku rekuperashon den e konteksto akí kemen duna sentido i nifikashon nobo na bida despues ku surgi problema mental króniko. Rekuperashon ta e proseso di e kliente mes; e propio historia di e kliente ta para sentral serka nos.

 

Nos vishon

 

No health without mental health

Nos kuido

  • Nos t'ei pa e hende tras di e diagnósis.
  • Nos kuido ta serka, aksesibel i personal; simpel kaminda por, ekstenso i spesialista kaminda nesesario.No
  • Nos ta sostené rekuperashon saliendo for di rienda propio; e forsanan i posibilidatnan di e klienta ta para sentralB.
  • Bira bon bo ta hasi na kas, ta atmití bo solamente si ègt no por otro.
  • E trayekto di guia ambulante ta na promé lugá, un atmishon por forma un fase temporal den esaki.
  • Nos organisashon ta brinda un ambiente safe i ku ta promové rekuperashon. Bo por sinti bo trankil..
  • Nos ta un partner konfiabel pa klientenan, esnan den su ambiente yegá i esun ku ta referí.
  • Banda di kuido, bibienda i trabou/estudio/skol (algu di nifikashon pa hasi) ta e pilánan esensial den bida di e klientenan.

Nos organisashon

  • Nos ta para meimei den komunidat; un komunidat salú, ta huntu nos ta hasié!
  • Nos ta traha konstante na mehorashon i nos ta transparente den esei.
  • E disponibilidat di hende i rekursonan ta flèksibel i ta move segun e nesesidat di kuido.
  • Nos ta un organisashon safe i salú.
  • Nos ta un organisashon di konosementu: siña i desaroyá ta esensial.
  • Nos ta dirigí riba durabilidat, tambe den uso diario di nos rekursonan.
  • Nos ta kere den e balor agregá di un organisashon integral di salú mental, den kual e diferente partinan ta kolaborá i ta mantené nan propio identidat, konosementu i kompetensia.

Nos kultura (di trabou)

  • Huntu nos ta krea un kultura safe.
  •  Ku rèspèt mútuo i komprenshon pa otro nos ta logra nos metanan komun.
  • Konfiansa den e profeshonalidat di nos koleganan ta forma e base serka nos.
  • Nos ta haña i tuma nos responsabilidat i ta hala otro su atenshon riba esaki.
  • Nos por konta ku otro.

 

Nos balornan núkleo

 

GGz Curaçao ta manehá un kompas étiko ku ta duna rumbo na e manera ku nos ta traha den nos fundashonnan. E kompas akí ta enserá tres balor núkleo ku ta den liña ku nos vishon i ta yuda realisá nos metanan.

Kapas

Nos ta kapabel den nos profeshon. Nos por loke klientenan, koleganan i komunidat mag di spera di nos i asta mas. Nos ta keda siña pa mantené nos konosementu na nivel.

 

Konfiabel

Nos ta konfiabel. Nos ta hasi loke klientenan, koleganan i komunidat mag di spera di nos.

 

Ku Kurason

Nos ta traha ku alma i kurpa pa nos klientenan, nos ta komprometí ku nan i nos koleganan i komunidat. Saliendo for di un sintimentu di union i igualdat, nos ta kontribuí na e mishon di GGz Curaçao.

Maneho

Maneho diario ta den man di Direktor General / Raad van Bestuur, señora Ghislaine Cijntje-Maduro.

GGz Curaçao konosé e modelo di Konseho di Supervishon. E tarea i kompetensianan di e Konseho di Supervishon ta ankrá den statutonan di fundashon, den e propio reglamentu i esun di Konseho di Direkshon. E Konseho di Supervishon ta supervisá funshonamentu di e maneho i ta evaluá (e miembronan) di e Konseho di Direkshon.

E Konseho di Supervishon ta konstistí di:

Sr. Benedict Bito (presidente)
Sra. Dinaida Sluis-Bazoer (miembro)
Sra. Jenniver Haimé (miembro)
Sr. Elger Jacobus (miembro)
Sra. Angeline Dalnoot-Sille (miembro)