Kuido ambulante (IAB) ta ofresé guia ambulante, interventonan di krisis, medikashon, sikoedukashon, guia sosial (p.e. supsidio, bibienda, trabou, tempu liber). Ta duna kuido na tantu klientenan anteriormente interná komo na klientenan eksterno.
E departamentu ambulante ta enfoká riba preservá, rekuperá i promové e kalidat di bida di hende ku problema sikososial i sikiátriko den nan mes ambiente di bida.
E team ambulante di IAB ta buska pa duna un servisio di kalidat haltu ku un aserkamentu fuertemente orientá riba kliente. E kuido ta adaptá na e situashon sikososial di e kliente, su limitashon i forsanan, i e posibilidatnan pa desaroyo personal. Rekuperashon i rienda propio ta sentral.
E departementu ta dirigí riba adulto ku un kondishon sikiátriko grave ku mester di sosten den vários área di bida. Pa e grupo akí, e kuido primario òf tratamentu poliklíniko no sufisiente, i guia ambulante intensivo ta nesesario. E sosten ta dirigí riba redusí síntomanan sikiátriko, trata na evitá atmishon, stimulá rekuperashon, oumentá independensia i partisipashon sosial.
Na departamentu ta traha segun e prinsipionan di Steunend Relationeel Handelen (SRH) i FACT (Flexible Assertive Community Treatment). Esaki ta nifiká ku e relashon entre dunadó di ayudo i e kliente ta sentral, ta stimulá konfiansa i motivashon, ta fomentá e abilidat pa tuma desishon propio i ta involukrá e ret sosial di e kliente aktivamente. E kuido ta ambulante, loke ta nifiká ku guia ta tuma lugá den e ambiente di bida di kliente, te asina leu ku esaki ta oportuno i responsabel.
Casemanager
E casemanager tin un papel di koordiná i guia den e proseso.
E casemanager ta traha segun SRH i ta sostené klientenan den rekobrá grep riba su bida tuma un lugá ku sentido den komunidat atrobe, esaki pa medio di un HOP (=Herstel Ondersteunend Plan)
Sikiater
E sikiater ta ofresé kuido médiko i sikiátriko spesialisá i ta hunga un papel sentral den stipulá e maneho di tratamentu.
Sikólogo
E sikólogo ta dirigí su mes riba mehorá e salú mental i bienestar di klientenan.
- Psychodiagnóstiko
- Tratamentu (komberashon/terapia)
- Prevenshon i guia
E sikólogo ta kolaborá estrechamente ku otro disiplinanan pa garantisá un kuido integrá i dirigí riba kliente.
Ta registrá via di un dunadó di tratamentu di un departamentu di kuido den klínika òf Paaz. (CMC)
Esnan ku ta referí di pafó por registrá via poli Klinika Capriles serka e dunadónan di tratamentu di IAB
Tel. : 737-4700, tst. 219/220
Djaluna t/k djabièrnè
07:30– 16:00