E Sektor Fasilitario den Klinika Capriles ta ofresé servisio ku ta servisial, personal i profeshonal pa kliente, personal i bishitantenan di e klínika.
Sektor Fasilitario tin e tarea di garantisá un situashon di estadia óptimo pa kliente, bishitante i personal. E sektor ta manehá i ta duna servisio den diferente área. Tur dia mas o ménos 50 empleado ta kla pará pa realisá esaki.
Kushina Sentral ta sòru tur dia pa prepará i entregá pan i kuminda kayente na e diferente departamentunan i na SGR.-Groep. Pa día, ta prepará mas ku 450 kuminda. Kalidat, higiene i alimentashon na midí ta para sentral.
E departamentu di Seguridat ta perkurá pa un ambiente sigur pa kliente, personal i bishitante. Nos security ta presente i alerta. Ademas, tur trahadó di security ta formá komo BHV, di moda ku den kaso di emergensia por tuma akshon rápido i apropriá.
E Facilitair Meldpunt ta un konekshon importante den servisio di sektor fasilitario. Aki e mayoria di notifikashon i petishonnan ta drenta, manera interupshon, petishon di yabi, petishon pa transportashon i trabou di reprodukshon. Banda di esei e meldpunt ta funshoná komo punto di telefonia i resepshon, kaminda ta yuda kliente, personal i bishitanten na un manera amabel.
E departamentu Transporte ta responsabel pa transportashon di hende i karga, tantu paden komo pafó di Klinika Capriles. Tambe nan ta enkargá ku distribushon di kuminda pa e diferente departamentunan i pa maneho di prosesamentu di pòst interno i eksterno. Asina tur kos ta yega efisiente i na tempu di A pa B.
E magazijn ta atendé ku risibimentu, stòk i distribushon di produkto alimentario i produkto no alimetario. Pa medio di un método strukturá i bon kòntròl di inventario, tur rekurso nesesario ta semper disponibel na tempu pa e organisashon.
E departementu di Inkoop ta responsabel pa tene stòk optimo den magazijn i ta e departamentu di kontakto pa suministradónan. Den kolaborashon ku magazijn nan ta garantisá ku e produkto korekto ta disponibel na e momentu korekto
E departamento di Servisio Tékniko ta responsabel pa mantené e infrastruktura i e mantenshon tékniko di e edifisionan i tereno di Klínika Capriles. Nan ta garantisá ku tur fasilidatnan ta operá den un manera sigur i efisiente.
E parti di limpiesa ta den man di un kompania di limpiesa eksterno. Nan ta tene e ambiente limpi, fresku i higiéniko tur dia.
E labanderia na enkargo di un kompania eksterno i ta sòru pa laba paña personal i laken i sèrbètè pa semper tin sufisiente tèkstil limpi disponibel.
Tambe tin mantenshon di tereno i hòfi, kòntròl di bestia dañino i mantenshon di edifisio. Tur esaki ta kai bou di e sektor fasilitario. Huntu, e servisionan akí ta garantisá un ambiente sigur i agradabel pa tur hende.