Komo esun ku ta referí, bo ta forma un parti importante den e dunamentu di yudansa. Abo huntu ku bo kliente ta determiná si un referensia ta nesesario. Bo por mèldu kliente pa diagnóstiko, tratamentu i guia. Banda di esei nos ta disponé di posibilidatnan pa yudansa agudo den kaso di un krísis sikiátriko.
Pa un tratamentu kubrí pa seguro, mester di un referensia ofisial. Klientenan no por mèldu nan mes. Nan famia òf kuidadó tampoko no por hasi esaki. E dòkter di kas ta e úniko ku por referí pa Klínika Capriles. Tantu kliente komo famia òf kuidadó por pidi un referensia serka nan dòkter di kas.
Manda e karta di referensia via Zorgportaal di SVB.
Pashèntnan ku seguro privá mester haña nan karta di referensha por eskrito.
Pa fasilitá e trayekto pa drenta den kuido na Klinika Capriles, referí na EHBO Capriles Kliniek (i nò na un sikiater/sikólogo spesífiko)
Den kaso di ‘spoed’ djaluna pa djabièrnè entre 8'or i 16:30, por fabor tuma kontakto ku e 'Ambulant Verpleegkundige' di Poli. Si pa kualkier motibu bo no tin e number dediká pa dòkternan di kas, por fabor tuma kontakto ku e number general. Ei nan lo yuda bo.
Pafó di e oranan di ofisina por tuma kontakto via e number general +5999 737 4700, ei lo informá ken ta e dòkter na warda.
N.B. Ta importante pa tuma kontakto ku e spoeddienst/dòkter na warda pa deliberá e kaso, promé ku manda e kliente klínika!