Departamentu HCC Stabilisashon ta un departamentu será pa adulto ku mester di kuido sikiátriko intensivo pa un temporada limitá. Nos ta ofrese un lugá sigur kaminda trankilidat, stabilidat i rekuperashon ta sentral.
- Persona ku keho síkiko
- Persona ku mester protekshon i guia èkstra
- Ora ku kuido na kas òf na un departamento habrí no ta sufisiente
- Kuido i supervishon 24 ora pa dia
- Tratamentu pa un tim multidisiplinario
- Guia ku medikashon
- Programa diario ku struktura
- Yudansa ku kuido propio i aktividat diario
- Atenshon pa rekuperashon i futuro
Riba departamentu High Care, stabilisashon seguridat di personal i klientenan ta sentral. Tin biaha ta nesesario pa tuma medidanan adishonal pa mantene trankilidat serka e kliente i riba departmentu. Esaki ta sosodé segun akuerdonan fiho.
Famia i sernan kerí ta hopi importante. Kada kliente por skohe un persona di kontakto. E persona akí ta e persona ku e tim di tratamentu lo mantené kontakto kuné. Ta envolví e persona di kontakto den e tratamentu i e lo risibí informashon i sosten.
High Care Curaçao, Stabilisashon ta traha segun protokòl establesé den kuido di salú mental. Tur kuido i guia ta dirigí riba seguridat, stabilisashon i rekuperashon di e kliente. Ta apliká limitashonnan òf medidanan solamente ora ta nesesario i semper ku konsiderashon kuidadoso.