Long Stay ta un departamentu di atmishon repartí den dos grupo: klientenan ku kondishon sikiátriko króniko grave i mayornan di edat 60+.
Nos ta krea un ambiente agradabel, felis i ku un bunita atmósfera huntu ku nos klientenan. Nos ta yuda klientenan pa rekuperá kaminda ta posibel i nos ta usa nan forsa i talento. Nos ta hasi esaki ku konsenshi di igualidat.
Pa nan felisidat di bida, nos klientenan ta dependé pa gran parti riba tur loke e departamentu tin di ofresé. Nos ta trata pa sobresalí den presensia. Ku aspekto importante manera:
• Opservashon
• Manera (non) verbal pa krea kontakto.
• Kuido dirigí riba e nesesidat i deseo di e kliente.
• Nos ta aspirá pa e tres balornan núkleo di e klínika, ku ta: Kapas, Konfiabel, Ku Kurason.
Un parti di nos grupo ta konsistí di klientenan hende grandi di 60 aña bai ariba ku un enfermedat sikiátriko ku ta kousa limitashonnan severo den nan funshonamentu diario, ku (temporalmente) no por kuida nan mes i/o biba independientemente den sosiedat. Den hopi kaso tin tambe kuestion di kehonan físiko i/o problemanan di behes.
E otro parti di nos grupo ta un grupo di kliente ku ta bou di 60 aña, ta trata di klientenan ku tin limitashon sikiátriko grave, ku mester di kuido klíniko di largu tempu i ku no por biba independientemente den sosiedat.
Nos departemento ta konsistí di kuater kas i kada kas tin dies kamber, total tin kapasidat pa 40 klientenan.
Nos ta ofresé tratamentu i guia profeshonal, e trato korekto, guia i forma di manehá ta un parti importante ku nos ta praktiká pa nos klientenan.
E tratamentu i guia ku nos ta ofresé huntu ku servisio di sosten ta:
E tratamentu i guia ku nos ta ofresé huntu ku servisio di sosten ta:
Nos team ta konsistí di:
• Enfermera
• Trahadó Sosial Pedagógiko
• Enfermera ousiliar
• Asistente di departementu