Klinisch Intensieve Zorg (KIZ)

Departamentu di kuido intensivo klíniko (anterior MS5-7) ta un departamentu kaminda, ku yudansa di un trayekto di resosialisashon ku guía intensivo, ta traha pa logra rekuperashon sosial. Esaki por nifiká preparashpon pa regreso na un bida independiente òf ku famia den komunidat, tambe por nifiká un forma di biba protehá òf asistí.

Vishon

E métodonan pa sostené rekuperashon ta sentral. Ta un servisio kaminda tin kuido spesífiko, guia adaptá pa kada klient i infrastruktura ku ta fasilitá kreashon di un ambiente di bida agradabel. Klientenan ta haña e oportunidat pa siña funshoná mas independiente posibel na nan alkanse, hasiendo optimalmente uso di su forsanan. Ademas, nan ta praktiká abilidatnan sosial i kon apliká bon manera di trata otro den bida di tur dia.

Mishon

Nos ta ofresé guia i tratamentu intensivo di durashon largu na personanan ku problema sikiátriko kompleho, kaminda nan por siña pa funshoná na manera independiente segun nan kapasidat, usando nan forsa maksimalmente ku e meta di restablesementu sosial.

Meta

A.     Kliente ta sentral ku rekuperashon komo meta

• E departamento ta traha según e metódiko di kuido pa sostené rekuperashon
• Klientenan ta eksperensiá ku personal kier forma un relashon ku nan, basá riba presensia.
• Klientenan ta eksperensiá  ku e personal t’ei pa nan, ku nan tin sufisiente tempu i atenshon, ta ofresé seguridat, i ku ta traha huntu ku klientenan.

B.     Integrashon sosial i aseptashon di e kliente

• Ta apoyá klientenan mas tantu posibel pa usa e oportunidatnan di nan propio ambiente sosial. (famia, amistatnan, koleganan, buddy’s). Si ta nesesario, e guia lo asistí e kliente den esaki i kompañ’é bai pafó.
• Personanan den e ret sosial di e kliente ta konosí, ta involukrá nan den e proseso di rekuperashon di e kliente i ta sostené nan den esaki.
• Ta stimulá e kliente pa tuma parti den sosiedat (traha, siña, rekreashon)

C.     Partisipashon di kliente      

• Ta mira i trata e kliente i su famia komo miembro di e tim di tratamentu.
• Mínimal un biaha pa aña, ta invitá e famia pa papia tokante di tratamentu di e kliente ku e tim multidisiplinario.
• Ora tin kambio den e maneho di departmentu ku tin konsekuensia pa e klientenan, semper ta envolví klientenan.
   

Grupo di enfoke

Klientenan ku ta sufri di probleman sikiátriko ku, despues di tabata interná den sekshon di High Care, no a logra stabilisá sufisiente i mester mas tempu i guia protektivo pa traha riba nan rekuperashon, preferibel riba un base boluntario. E estadia na KIZ ta dura máksimal 3 aña. Si den tres aña no a  logra sufisiente adelanto den e rekuperashon di forma ku e kliente por partisipá den sosiedat,  ta mèldu e kliente na un departamentu di estadia di largu plaso.
 

Método di trabou

Tur persona interná na KIZ ta haña dos guia asigná. Esakinan ta responsabel pa koordiná kuido di e kliente durante tur su estadia, ta aktua komo representante di su interés i komo punto di kontakto pa e kliente. Ora e kliente yega, nan lo tin un reunion /introdukshon ku e guianan. Tur kliente tin nan mes programa terapéutiko ku ta konsistí di un plan di siman ku aktividatnan relevante (interno òf eksterno), terapianan den grupo i individualmente ku diferente disiplina ku ta parti di e tim di tratamentu.