E departamentu Kas Florisol ta enfoká riba klientenan ku ta stabil den nan kondishon sikiátriko i ku ta kla pa kuminsá nan tratamentu dirigí riba integrashon den komunidat. Ora un kliente por kuminsá hasi su aktividat diario atrobe – manera traha, partisipá na aktividatnan di dia i reintegrashon den komunidat –ta traha pa logra un funshonamentu mas independiente posibel.
Kas Florisol ta duna sosten pa rekuperashon na klientenan den tur 8 area di bida, kombinando reintegrashon sosial, duna espasio pa tuma e kòntròl di bida propio i kreashon di desaroyo duradero pa klientenan i personal. Nos meta ta un partisipashon mas gewon i mas grandi posibel komo siudadano den nos komunidat. Kaminda ta nesesario, e team ta bai aktivamente pa stimulá i realisá akseso na servisionan sosial general..
E meta di e departamentu ta pa yuda klientenan desaroyá independensia. Pa logra esaki, ta ofresé programa ku ta siña nan pa praktiká abilidadnan práktiko, manera kushiná riba nan mes, manehá sèn, tuma remedi, usa transporte públiko i hasi kompras. Kaminda ta nesesario, esaki ta sosodé ku asistensia na un distansia. E departamentu tin un struktura habrí i liber, p’esei ta hopi importante pa klientenan ta kapas na dil ku e libertat akí. Stabilidat ta un kondishon esensial pa atmishon i guia den Kas Florisol.
Kas Florisol ta distinguí 2 grupo:
Ta trata aki di klientenan ku un enfermedat sikiátriko króniko severo (EPA= Ernstig Psychiatrische Aandoening), ku mester di guia intensivo den área kognitivo, di komportashon, sosial i/o ADL ku sufisiente supervishon pero ku por tuma lugá den un ambiente liber. Tin bia mester tuma e responsabilidat pa e proseso di rekupershon temporalmente, (p.e. maneho di medikashon). E tratamentu ta tuma lugá riba base boluntario, komo eksepshon esaki por tuma lugá ku KZ (indikashon di atmishon obligatorio) tambe.
Klientenan ku tin un enfermedat sikiátriko króniko severo (EPA) ku sierto grado di independensia pero ku banda di esei tin mester di kuido sikiátriko króniko. Kliente ke karga (ko)responsabilidat pa su mes proseso di rekuperashon. Kliente por biba den grupo i preferibelmente ta keda riba base boluntario. Por tin morbididat somátiko. Den un trayekto di tratamentu mas largu ta traha riba rekuperashon sosial i resosialisashon apesar di eventual hospitalisashon. Nos guia ta paso pa paso, i gradualmente ta guia e klientenan pa yega na un situashon mas independiente i outonomo.