Nos treininnan na Akademia di Rekuperashon/ Herstelacademie ta pa yuda bishitantenan desaroyá i engrandesé e parti di abilidatnan práktiko, pero tambe yuda ku e parti sikososial. Bo tin difikultat pa por ehèmpel relahá òf pa buska un amistat, dil ku síntomanan di bo malesa, kon pa biba un bida mas saludabel? Nos t’ei pa duna bo konosementu, guia i hèrmènt pa bo por dil ku e partinan pisá den bo bida. Nos programanan ta yuda bo den bo funshonamentu i ta hasi bo mas independiente ku ta posibel.
E tim multidisiplinario òf sikiater/sikólogo ta desaroyá e treininnan riba petishon di bishitante. Tur nos treininnan ta duna un aporte na desaroyo di bishitante i ta basá riba nos méthodo “steunend relationeel handelen”. Nos treinin tin ku duna un aporte i sosten na e tratamentu di e persona ku ta inskribí serka nos.
E Pasadia ta mas pa nos bishitantenan ku ta ku retiro, verlòf òf klientenan di IAB ku ta na kas i ku durante dia tin mester di aktividat i programanan, pa por yuda nan funshonamentu den nos komunidat i na kas.
E aktividatnan ku nos ta ofresé na nos klientenan ku ta bin serka nos durante dia: